Россияда Ўзбекистон фуқаросига қўполлик қилган миграция маркази ходими ишдан бўшатилди
Ходим бармоқ изи олиш вақтида фуқарога куч ишлатган.
Аввалроқ Воронеж шаҳридаги миграция маркази ходими ўзбекистонлик меҳнат мигрантининг бармоқ изларини олиш ватида унга куч ишлатгани ва ҳодиса юзасидан тегишли органларга мурожаат юборилгани маълум қилинганди.
Ушбу мурожаат асосида Воронеж шаҳри ИИБ томонидан Миграция маркази ходимларига нисбатан хизмат текшируви тайинланиб, Ташқи меҳнат миграцияси агентлиги вакили иштирокида суриштирув ишлари олиб борилган.
Хабар қилинишича, Миграция марказида ёлланма ишчи сифатида фаолият юритиб келган ходим билан меҳнат шартномаси бекор қилинган.
Маълумот учун: фуқаро А. Ғ. 2022 йил 1 июнда ишлаш мақсадида Воронеж шаҳрига борган. Хужжатларини расмийлаштириш учун 28 июнда миграция марказида бармоқ излари топшириш жараёнида масъул ходим томонидан куч ишлатилган.
