0
Маймунчечак Россияга ҳам етиб келди
Касаллик Европада бўлиб қайтган йигитда аниқланган.
Россияда дунё бўйлаб кенг тарқалаётган маймунчечак касаллиги аниқланди. Бу ҳақда «РИА Новости» хабар берди.
«Роспотребнадзор» маълумотига кўра, касаллик Европада бўлиб қайтган йигитда қайд этилган.
«Россияда маймунчечакнинг биринчи ҳолати тасдиқланди. Касаллик Европа сафаридан қайтган ва ўзига хос тошма билан тиббий муассасага мурожаат қилган йигитда аниқланган», — дейилади хабарда.
Аниқлик киритилишича, касаллик енгил ва беморнинг ҳаётига ҳеч қандай таҳдид йўқ. У изоляция қилинган ва юқумли касалликлар бўйича тиббий ташкилотда даволанмоқда.
