Грузия Ўртаер денгизидаги операцияларда НАТОга ҳамкор бўлди
Ҳамкорлик мақоми алянснинг 4 йиллик баҳолаш дастуридан муваффақиятли ўтганидан кейин берилган.
Шимолий Атлантика алянси Грузияга НАТОнинг Ўртаер денгизидаги хавфсизлик бўйича операцияда ҳамкор мақомини берди. Бу ҳақида мамлакат Ички ишлар вазирлиги хабар қилган.
Қарор алянс томонидан Грузия қирғоқ қўриқлаш хизматининг тактик бўлинмалари НАТОнинг 4 йиллик баҳолаш дастуридан муваффақиятли ўтганидан кейин қабул қилинган.
Эслатиб ўтамиз, “Денгиз қўриқчиси” операцияси 2016 йил ноябрь ойида бошланган. Ушбу операциядан асосий мақсад денгизда хавфсизликни таъминлаш ва таҳдидларга ўз вақтида жавоб беришдир.
