Сербия ва Хорватия ўртасида жанжал авж олмоқда
Бу Сербия Президентининг Хорватияга ташрифи рад этилиши билан боғлиқ.
Болқон давлатлари орасида дипломатик жанжал авж олди. Хорватия Сербия президенти Александр Вучичнинг Хорватиянинг Пакрак шаҳрига шахсий ташрифини рад этди. Шундан сўнг Белград жавоб чораларини кўриш билан таҳдид қилган.
Вучич Хорватиянинг СДСС партияси раҳбари Милорад Пуповач билан боғланиб, унга Иккинчи жаҳон уруши пайтида фашистлар конслагери жойлашган Пакарак шаҳрига шахсий ташрифни режалаштираётганини айтган. Бироқ расмий Загреб буни маъқулламаган ва томонлар ўртасида совуқчилик бошланган.
Хорватия рад жавобини Сербия томонининг ҳеч қандай протоколга риоя қилмагани ва ҳамма нарсани дипломатик муносабатлар тартиб-қоидаларисиз қилмоқчи бўлгани билан изоҳлаган.
