Путин Синдзо Абэнинг дафн маросимига таклиф қилинмайди
Япония ҳукумати Россия раҳбарини мамлакатга киритмоқчи эмас.
Токио Россия Президенти Владимир Путиннинг 27 сентябрь куни бўлиб ўтадиган Япония собиқ Бош вазири Синдзо Абенинг давлат дафн маросимида иштирок этишига тўсқинлик қилишни режалаштирмоқда.
Бунга Украинадаги махсус операция ортидан Япониянинг Россия раҳбарига нисбатан қўйган шахсий санкциялари сабаб бўлган.
“Бироқ Москва билан дипломатик алоқалар узилмаган, шу боис Россия томони маросим ҳақида хабардор қилинади”, — дейилган хабарда.
Токио Владимир Путиннинг дафн маросимида иштирок этиш истагини билдирса, унинг мамлакатга кириши учун чекловларни юмшатишни режалаштирмаяпти.
Қайд этилишича, Владимир Путин япон сиёсатчисини яхши таниган. Япония бош вазири бўлганида Абе Путин билан кўп марта учрашган.
