Навоийда 109,2 млн субсидия пуллари талон-тарож қилинди
Ушбу маблағ фуқароларни иш билан таъминлаш мақсадида ажратилган бўлган.
Конимех туманида 109,2 млн сўм субсидия маблағини ўзлаштирган корхона раҳбари аниқланди, дея хабар бермоқда Бош прокуратура ҳузуридаги Иқтиcодий жиноятларга қарши курашиш департаменти.
Маълум қилинишича, Департаметнинг Конимех туман бўлими томонидан фуқароларнинг мурожаатларига асосан терговга қадар текширув ўтказилган. Унда “T.A.” ишлаб чиқариш корхонаси раҳбари Ў. Т. фуқароларни иш билан таъминлаш мақсадида ажратилган жами 109,2 млн сўм субсидия маблағини ўзлаштириш йўли билан талон-торож қилганлиги аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
