Навоийда 3 млрд сўмлик антимайнер қурилмалари ўғирлаб кетилди
Ҳолат юзасидан икки киши қўлган олиниб, уларга нисбатан жиноят иши очилган.
Навоий вилоятининг Кармана туманида 30 та антимайнер қурилмалари номаълум шахслар томонидан ўғирлаб кетилди. Бу ҳақда Ички ишлар вазирлиги ахборот хизмати хабар берди.
Жорий йилнинг 31-май куни Навоий шаҳрида яшовчи А. Ф. мурожаат қилиб, Кармана тумани “Сардоба” маҳалласидаги иссиқхона ҳудудига ўрнатилган, умумий қиймати 3 млрд 285 млн сўмлик 30 та “АНТМАЙНЕР Т19” қурилмаларини номаълум шахслар ўғирланганини маълум қилган.
Мазкур ўта оғир жиноятни фош этиш мақсадида ИИВ Киберхавфсизлик маркази ва унинг Навоий вилояти бўлинмаси ходимлари билан ҳамкорликда тезкор-техник тадбир ўтказилган. Аниқланишича, А. Gʻ.ga тегишли 2 дона “АНТМАЙНЕР Т19” аппаратлари 1999-йилда туғилган Тошкент шаҳар Юнусобод туманида яшовчи, антимайнер қурилмаларини таъмирловчи уста И. А. томонидан фойдаланиб келинаётган бўлган.
Шундан сўнг А. Ф. Ибрагимов билан тезкор суриштирув олиб борилиб, мазкур антимайнер қурилмаларни ўғирлаган шахслар (1995-йилда туғилган Навоий вилояти Кармана туманида яшовчи Н. Ф. ва Р. А.лар) аниқланган.
Тезкор-қидирув тадбирлари натижасида, Н. Ф. ва Р. А.лар қўлга олинган ва Н. Ф.нинг яшаш хонадонидан 11 дона “АНТМАЙНЕР Т19” қурилмалари ашёвий далил тариқасида ҳужжатлаштириб олинган.
Ҳозирда қўлга олинган Н .Ф. ва Р. А.ларнинг “Қуролтаев Алибек” исмли ҳамда бошқа жиноий шерикларини аниқлаш чоралари кўрилмоқда.
