Шимолий Корея еттинчи ядро синовларига тайёрланмоқда — Блинкен
Бундан олдин Ким Чен Ин АҚШга жиддий огоҳлантириш берганди.
КХДР навбатдаги ядро синовларига тайёргарлик кўрмоқда. Бу ҳақда АҚШ давлат котиби Энтони Блинкен маълум қилди.
“Биз сиз билан бу ерда кўришиб турганимизда, Пхеньян еттинчи ядро синовларини ўтказишга тайёрланмоқда”, — деган дипломат БМТнинг ядро қуролини тарқатмаслик бўйича шартномаси конференциясида.
Июнь охирида Жанубий Корея штаб бошлиқлари бирлашган қўмитаси КХДРнинг ядро синовлари учун барча тайёргарлик ишларини якунлаганини маълум қилганди. Аммо унинг аниқ ўтказилиш санаси бўйича якуний келишувга эришилмаган.
Аввалроқ Япония мудофаа вазирлиги Шимолий Кореянинг ракета тизимлари кучайтирилаётгани тўғрисида маълумот берганди. Шунингдек, Ким Чен Ин АҚШ билан ҳар қандай тўқнашувга тайёр эканини айтганди.
