Шавкат Мирзиёев Мавлуд Чавушўғлини қабул қилди
Туркия делегацияси таркибидаги учрашувда савдо ҳамда транспорт ва инфратузилма вазири ҳам иштирок этди.
Бугун Ўзбекистон Республикаси Президенти Шавкат Мирзиёев "Ўзбекистон-Озарбайжон-Туркия" форматидаги биринчи вазирлар учрашувида иштирок этиш учун пойтахтимизда бўлиб турган Туркия Республикаси ташқи ишлар вазири Мавлуд Чавушўғли бошчилигидаги делегацияни қабул қилди.
Туркия делегацияси таркибида учрашувда савдо вазири Меҳмет Муш ҳамда транспорт ва инфратузилма вазири Одил Қораисмоилўғлу ҳам иштирок этди.
Олий даражада эришилган келишувлар доирасида мамлакатларимиз ўртасидаги кўп қиррали ҳамкорликни янада кенгайтириш масалалари кўриб чиқилди.
