АҚШ Хитой чегарасида ҳарбий машқлар ўтказмоқчи
Машғулотлар 3 минг метр баландликда бўлиб ўтиши режалаштирилган.
АҚШ Ҳиндистоннинг Уттаракханд штатининг Аули туманида, Хитой билан чегара назорат чизиғидан тахминан 95 км узоқликда бўлиб ўтадиган Ҳиндистоннинг “Ҳарбий амалиёт” машғулотларида қатнашиш учун қўшинларини юборишни режалаштирмоқда.
Ушбу ҳудуд қарийб 3 минг метр баландликда жойлашган бўлиб, маневрлар давомида юқори баландликда жанговар ҳаракатлар ўтказилади.
АҚШ Мудофаа вазирлиги вакилининг CNN телеканалига айтишича, Ҳиндистон билан ҳамкорлик эркин ва очиқ Ҳинд-Тинч океани учун умумий қарашнинг энг муҳим элементларидан бири ҳисобланади.
