0
Арманистонда пиротехника омбори портлаб кетди
Oқибатда пойтахтдаги савдо марказларининг бирида ёнғин чиққан.
Бугун, 14 август куни Арманистон пойтахти Ереван шаҳридаги пиротехника омбори ва “Сурмалу” савдо марказида ёнғин содир бўлди. Бу ҳақда мамлакат Фавқулодда вазиятлар вазирлиги хабар қилди.
Дастлабки маълумотларга кўра, пиротехника омборида 2 марта кучли портлаш содир бўлган ва бино қулаб тушган. Оқибатда бир киши ҳалок бўлган ва 20 киши жароҳат олган.
Савдо марказидаги ёнғинга омбордаги портлаш сабаб бўлган. У ерда 34 киши жароҳатланган ва бир киши қурбон бўлган.
Ҳозирда воқеа жойида ўт ўчирувчилар гуруҳи ишламоқда.
