Навоийдаги паркда ёнғин чиқди
Ҳодиса жойига 2 та ёнғин-қутқарув экипажи жалб қилинган.
Навоий вилоятининг Қизилтепа туманидаги истироҳат боғида 11 август куни ёнғин содир бўлди. Бу бўйича вилоят Фавқулодда вазиятлар бошқармаси ахборот хизмати хабар берди
Қайд этилишича, ёнғин Қизилтепа тумани “А. Навоий” МФЙ Ўзбекистон шоҳкўчасида жойлашаган “Маданият” истироҳат боғи кириш қисмида юз берган. Шунга кўра, 2 та ёнғин-қутқарув экипажи соат 15:18 да воқеа жойига етиб бориб, ёнғин соат 15:19 да ўраб олинган ва соат 15:21 да ўчирилган.
Ҳодиса оқибатида истироҳат боғига кириш аркасининг 3 квадрат метр майдонида шифт қисми ёниб зарарланган. Тезкор ҳаракатлар натижасида арканинг 25 квадрат метр майдони ёнғиндан сақлаб қолинган. Ҳозирда ёнғин сабаби ва моддий зарар миқдори аниқланмоқда.
