Еревандаги портлаш қурбонлари сони 6 кишига етди
Портлаш вақтида 16 киши бедарак йўқолганлиги маълум қилинганди.
«Қутқарувчилар вайроналар остидан яна бир жасадни олиб чиқишди. Ҳозиргача 6 киши ҳалок бўлган. Қидирув-қутқарув ишлари давом этмоқда», — деди Арманистон Фавқулодда вазиятлар вазирлиги матбуот котиби Айк Костанян.
Ёнғин-қидирув ишларига 185 нафар қутқарувчи жалб қилинган, Ереван мериясининг йигирма автоцистернаси, ўн иккита юк машинаси, бешта трактор, учта кран ва еттита қўшимча техникаси жалб этилган.
Эслатиб ўтамиз, 14 август куни соат 13:23 да Арманистон пойтахтидаги Сурмалу савдо марказида дахшатли портлаш содир бўлганди.
