Нидерландияда парранда гриппи тарқалди
Фермаларда минглаб товуқлар йўқ қилинмоқда.
Нидерландиянинг Маурик шаҳридаги фермада парранда гриппи туфайли 24 минг товуқ нобуд бўлди. Бу ҳақда “NOS” нашри хабар бермоқда.
Паррандалар вирис тарқалишининг олдини олиш учун йўқ қилинган. Инфекция тарқалган жойдан 10 километрлик ҳудудда тўққизта паррандачилик корхонаси мавжуд бўлиб, улардан бири қадоқлаш корхонаси. У ерда тухумлар сараланади ва қадоқланади.
Эксперт гуруҳи вазиятни муҳокама қилиш ва хавфларни баҳолаш учун келаси ҳафта йиғилиш ўтказади.
Эслатиб ўтамиз, аввалроқ Хитойда парранда гриппининг “H3N” штамми одамда аниқланганди. Унда тўрт ёшли болага ташхис қўйилган.
