Япония Бош вазири коронавирусга чалинди
У 15 август куни таътилга чиққанди.
Япония Бош вазири Фумио Кисида коронавирусга чалинди, дея хабар бермоқда «Интерфакс» нашри.
Қайд этилишича, шанба куни кечаси Бош вазирнинг иситмаси кўтарилган ва йўтал бошланган. Бугун эрталаб ўтказилан ПЦР тести натижалари Кисидада COVID-19 инфекцияси борлигини кўрсатган. Касаллик қандай юқтириб олингани ҳозирча номаълум.
NHK талеканали маълумотларига кўра, 65 ёшли Бош вазир 15 август куни расмий таътилга чиққан ва 22 августда ишга қайтиши керак эди. Айни пайтда у масофадан туриб ишлашни давом эттирмоқчи.
