Қозоғистонда пойтахт номи ўзгариши мумкин
Бу бўйича депутатлар таклиф билан чиқди.
Қозоғистонда депутатлар гуруҳи пойтахтнинг Нур-Султон номини аввалги Остона номига қайтаришни таклиф қилди. Бу ҳақда “Спутник” нашри хабар берди.
Ғоя ташаббускорлари инсон ҳаётлигида шаҳарга унинг исмини бериш нотўғри деб ҳисобламоқда.
“Xалқ ўзи ҳам пойтахтнинг янги номини қабул қилмади. Шу боис, бир вақтлар биринчи президент таклиф қилган аввалги номни қайтариш тарихан адолатли бўларди”, - дейилган депутатлар гуруҳи баёнотида.
Эслатиб ўтамиз, 2019 йили мамлакат пойтахти номи Нур-Cултонга ўзгартирилганди. Унгача пойтахт Остона деб юритилган.
