0
Мактаб дарсликларининг бепул ижагаси йўлга қўйилади
Бу бўйича Президент топшириқ берди.
Президент Шавкат Мирзиёев Вазирлар Маҳкамаси ва Халқ таълими вазирлигига мактаб дарсликлари ва машқ дафтарларини бепул ижарага беришни тезкор йўлга қўйиш юзасидан топшириқ берди. Бу ҳақда Президент матбуот хизмати хабар қилди.
Қайд этилишича, ижара тўловлари миқдорлари кескин оширилиши муносабати билан кенг жамоатчилик, ота-оналар томонидан билдирилган эътирозлар юзасидан давлат раҳбарига ахборот берилган.
Мактаб дарсликлари болаларнинг умумий ўрта таълим олишида фавқулодда муҳим ўрин тутишини ҳисобга олиб ҳамда мактаб ўқувчилари ва уларнинг ота-оналарини, қонуний вакилларини қўллаб-қувватлаш, ижтимоий адолатни таъминлаш мақсадида бепул мактаб дарсликлари ижарасини йўлга қўйиш вазифаси топширилган.
