Қозоғистонда президент ваколат муддати узайтирилади
Тоқаев Конституцияга киритилган ўзгартиришларни тасдиқлади.
Қозоғистон раҳбари Қосим-Жомарт Тоқаев Конституцияга бир марталик 7 йиллик президентлик ваколатини жорий этиш тўғрисидаги ўзгартиришларни имзолади. Бу ҳақда Президент матбуот хизмати хабар қилди.
Тоқаев жорий йилнинг 1 сентябрь куни халққа мурожаат йўллаб, шу йилнинг кузида навбатдан ташқари президентлик сайловларини ўтказишни таклиф қилганди. Шу билан бирга, у сайловлардан сўнг президентлик муддатини беш йилдан етти йилгача, қайта сайланиш ҳуқуқисиз ошириш ташаббуси билан чиққан.
Конституциядаги ўзгартиришларга кўра, энди бир шахс кетма-кет икки марта президентликка сайлана олмайди.
Қонун лойиҳасида пойтахт номини Нур-Султондан Остонага ўзгартириш тўғрисидаги банд ҳам бор эди. 15 сентябрь куни парламент ушбу қонунни бир овоздан қабул қилиб, имзолаш учун президентга юборган.
