Шимолий Корея ядро синовини ўтказса, АҚШ жим турмайди
АҚШ Пхенянни тўхтатиш учун ядровий салоҳиятдан фойдаланишга ваъда берди.
Қўшма Штатлар Жанубий Кореяга КХДРни “кенгайтирилган тўхтатиб туриш”да ўзининг ҳарбий имкониятларидан, жумладан, ядровий қуролдан тўлиқ фойдаланишга ваъда беради, дейилади икки давлат қўшма баёнотида.
АҚШ ва Жанубий Корея КХДР томонидан амалга оширилган ядровий ҳужумга "қаттиқ ва қатъий" жавоб берилишини айтди ва агар Шимолий Корея атом синовларини ўтказса, унга жавоб бериш билан таҳдид қилди.
“Қўшма Штатлар КХДРга тўсқинлик қилиш ва унга жавоб қайтариш ҳамда минтақавий хавфсизликни мустаҳкамлаш учун минтақада стратегик активларни ўз вақтида ва самарали жойлаштиришни давом эттириш учун Корея Республикаси билан мувофиқлаштиришни кучайтириш мажбуриятини олди”, — дейилади баёнотда.
