Навоийдаги хонадонда одам скелети топилди
Уни уй эгаси ерни ковлаётган вақтида кўриб қолган.
Ижтимоий тармоқда Навоий вилоятининг Хатирчи туманидаги хонадонларнинг биридан ерга кўмиб юборилган одам скелети топиб олингани ҳақида хабарлар тарқалди. Ҳолат юзасидан вилоят прокуратураси расмий баёнот эълон қилди.
Аниқланишича, Хатирчи туманида яшовчи фуқаро Р.З. жорий йилнинг 16 сентябрь куни яшаш хонадони ҳовлисида экин ерини ковлаётган вақтида одам суягига ўхшаш суяклар чиққанини ҳуқуқни муҳофаза қилувчи органларга маълум қилган.
Ҳозирда мазкур ҳолат юзасидан Хатирчи туман прокуратураси томонидан терговга қадар текширув ҳаракатлари олиб борилмоқда. Текширув учун тегишли намуналар олинган ва суд-тиббий криминалистик экспертизалари тайинланган.
“Терговга қадар текшириш натижаси бўйича қонуний қарор қабул қилиниши таъминланади”, — дейилади хабарда.
