Евроиттифоқ Венгрияни молиявий ёрдамдан маҳрум қилмоқчи
Будапешт ташкилотнинг бир қатор қоидаларини бузган.
Европа Иттифоқи молиявий бошқарув билан боғлиқ муаммолар сабаб Венгрияни 7,5 миллиард евролик ёрдамдан тўсиб қўймоқчи. Бу ҳақда “Интерфакс” нашри ёзмоқда.
Аввалроқ Европарламентнинг бир қанча фракциялари Будапештни молиялаштиришни чеклашга чақирган. Шунингдeк, Европа Комиссияси Венгрия ҳукуматини қонун устуворлиги тамойилларини бузганликда айблаган эди.
Иттифоқнинг ҳар бир йил учун бюджети параметрлари харажатлар бўйича қабул қилинган мажбуриятларни ҳисобга олган ҳолда тузилади. Кенгаш бир ой ичида кўпчилик овоз билан Еврокомиссия таклифи маъқулланиши ёки маъқулланмаслиги масаласи тўғрисида қарор қабул қилади. Алоҳида ҳолатларда бу муддат кўпи билан икки ойга узайтирилиши мумкин.
