АҚШ Тайванни паноҳига олади
Байден агар Хитой билан уруш бўлса, Тайванни ҳимоя қилишга ваъда берди.
АҚШ президенти Жо Байден, агар Хитой Тайванга бостириб кирса, Қўшма Штатлар оролни ҳимоя қилиш ниятида эканини айтди. Шу билан бирга, у АҚШ орол билан ҳамкорлик қилишига қарамай, Тайванни Хитойдан мустақилликка эришишга ундамаётганини қўшимча қилди. Бу ҳақда CБС хабар бермоқда.
Эслатиб ўтамиз, аввалроқ хорижий ОАВда Хитой етакчиси Си Циньпин ҳарбий раҳбарларга 2027 йилгача Тайванни куч билан назорат қилишга тайёрланишни буюргани тўғрисида хабарлар тарқалган эди.
Шунингдек, АҚШ Конгресси Тайванга қурол етказиб беришни тезлаштирадиган ва бюрократик тўсиқлардан халос бўладиган қонун лойиҳалари устида ишлаётгани маълум қолинган.
