Шимолий Корея яна баллистик ракета учирди
Бу АҚШ ва Жанубий Кореяга жавоб сифатида баҳоланмоқда.

Шимолий Корея Япон денгизига баллистик ракета учирди. Бу ҳақда “Yonhap” агентлиги ёзмоқда.
Қайд этилишича, ракета тахминан 600 километр масофани босиб ўтган. Бу АҚШ ва Жанубий Корея кучларининг қўшма ҳарбий-денгиз машқларида иштирок этиш учун Пусан портига етиб келганига жавоб сифатида баҳоланмоқда.
Mашғулотлар шу ой охирида Жанубий Кореянинг шарқий қирғоқларида бўлиб ўтади.
Эслатиб ўтамиз, 17 август куни Шимолий Корея Сариқ денгиз томон иккита қанотли ракета синовини ўтказганди.







