ЖЧ–2022 ўйинларига кириш учун ПЦР тести талаб қилинади
Шунингдек, 32 та жамоа аъзолари ҳар икки кунда тезкор антиген тестидан ўтади.
Жаҳон чемпионати учун Қатарга саёҳат қиладиган мухлислар мамлакатга кириш вақтида COVID-19 тестини тақдим этишлари керак. Бу ҳақда тадбир ташкилотчилари маълум қилди.
Тест Қатарга келишдан 48 соат олдин, экспресс тестлар эса бир кун ичида амалга оширилиши лозим. 18 ва ундан катта ёшдаги барча чемпионат меҳмонлари уларнинг саломатлиги ва ҳаракатларини кузатиб борувчи расмий иловани юклаб олишлари талаб қилинади. Стадионга фақат ҳужжатида “коронавирус юқмаган” мақомини кўрсатган шахслар киритилади.
32 та жамоа ва ходимлар ҳар икки кунда тезкор антиген тестларини ўтказадилар. Қатарга киришда COVID-19 учун мажбурий тест барча саёҳатчилар учун 4 сентябрдан бошлаб кучга киради.
