Еврокомиссия ҳукуматларни россияликларга виза бермасликка чақирди
Аммо руслар ҳали ҳам бошпана сўраш ҳуқуқига эга.
Европа комиссияси Евроиттифоққа аъзо давлатларни россияликлар учун виза режимини кучайтиришга чақирмоқда.
Ички ишлар бўйича Европа комиссарининг сўзларига кўра, бу Украина ҳудудларини аннекция қилиш ва Россиядаги сафарбарликка жавобдир.
Аъзо давлатлар виза аризаларини кўриб чиқишда хавфсизликни синчковлик билан текширишлари керак. Агар бирор киши хавфсизликка таҳдид солиши ёки баъзи аъзо давлатларнинг халқаро муносабатларига таҳдид солиши мумкин бўлса, унда ушбу шахсга виза берилмаслиги керак.
“Агар Россия фуқароси Иттифоқ ҳудудида 90 кундан ортиқ қолиш ниятида бўлса, унга виза берилмаслиги керак”— дейди комиссар.
Таъкидланишича, ҳар ким бошпана сўраш ҳуқуқига эга. Еврокомиссия россияликларга аллақачон берилган Шенген визаларини янги қоидаларга мувофиқ қайта кўриб чиқишни тавсия қилади.
