Шимолий Корея Япония устидан ракета учирди
Токио бутун мамлакат бўйлаб ҳаво огоҳлантиришини эълон қилди.
Шимолий Корея бугун, 4 октябрь куни Япония устидан баллистик ракета учирди. Бу ҳақда Ёнҳап агентлиги хабар берди.
Қайд этилишича, аҳоли бинолар ичи ёки ер остига эвакуация қилишга чақирилган, уйда қолишга қарор қилганлар қобиқ парчалари қулаши хавфи туфайли деразаларга яқинлашмасликлари керак.
Япония қирғоқ қўриқлаш хизмати маълумотларига кўра, Шимолий Корея ракетаси шимолий Аомори ва Хоккайдо префектуралари ҳаво ҳудуди орқали учиб ўтган ва Тинч океанига қулаган.
Расмийлар снаряд қулаган ҳудудда жойлашган кемаларни вайроналар аниқланган тақдирда уларга яқинлашмасликни, зудлик билан Соҳил хавфсизлик хизматига хабар беришни талаб қилмоқда.
Воқеа муносабати билан Япония ҳукумати миллий хавфсизлик кенгашини чақирмоқда.
