Қозоғистон ва Ўзбекистон чегарасидаги пост вақтинча ёпилди
Бу ҳақда Қозоғистон Молия вазирлигининг Давлат даромадлари қўмитаси маълум қилди.
Қазиғурт» (Қозоғистон) ва унга туташ «С.Нажимов» (Ўзбекистон) назорат-ўтказиш пункти кундузи фуқаролар ва транспорт воситалари учун ёпилди.
«Қозоғистон Республикаси Молия вазирлигининг Давлат даромадлари қўмитаси Қозоғистон Республикаси Миллий хавфсизлик қўмитасининг Чегара хизмати билан биргаликда 6 октябрь соат 09:00 дан 2022 йилнинг 7 октябрь соат 09:00 гача , «Ўзтрансгаз» акциядорлик жамияти томонидан икки мамлакат назорат-ўтказиш пунктлари ўртасидан ўтган газ қувурларига гидравлик синов ўтказиши туфайли «Қазиғурт» ва унга туташ «С.Нажимов» назорат-ўтказиш пункти фуқаролар ва транспорт воситаларининг ўтиши учун ёпилади», — дейилади Давлат даромадлари қўмитаси хабарида.
Қозоғистон — Ўзбекистон чегарасидаги бошқа назорат-ўтказиш пунктлари одатдагидек ишлашда давом этади.
«Биз ташувчилардан ва чегарани кесиб ўтмоқчи бўлган ҳар бир кишидан ўрнатилган чекловларни ҳисобга олган ҳолда ўз йўналишини олдиндан режалаштиришларини сўраймиз», — дея қўшимча қилинган хабарда.
