Покистонда йўловчи автобуси ёниб кетди
Унда ҳалок бўлганларнинг барчаси қариндошлар.
Покистонда автобуснинг ёниб кетиши оқибатида 18 киши ҳалок бўлди, дея ёзмоқда “SkyNews” нашри.
Қайд этилишича, воқеа Покистоннинг Нуробод шаҳри яқинида юз берган. Транспорт воситасининг кондиционер блокида қисқа туташув содир бўлган ва ёнғин келиб чиққан.
Қурбон бўлганлар орасида саккиз нафар бола ва тўққиз нафар аёл бўлган. Йўловчиларнинг барчаси қариндошлар бўлиб, улар автобусни сафар учун буюртма қилишган. Улардан бир неча киши фалокатдан омон қолган.
