Эрондаги қамоқхонада маҳбуслар ҳалок бўлди
Муассасада сиёсий маҳкумлар сақланарди.
Теҳрондаги Эвин қамоқхонасида содир бўлган ёнғин ва тартибсизликларда камида тўрт нафар маҳбус қурбон бўлди. Ушбу муассасада сиёсий маҳбуслар, мухолифат фаоллари ва қўш фуқароликка эга шахслар бор, деб хабар берди “Ал Арабия” нашри.
Маҳаллий матбуотнинг ёзишича, қурбонлар тутундан заҳарланган. Яна 61 киши жароҳатланган. Ўн нафар жабрланувчи касалхонага ётқизилган.
Теҳрон губернатори Моҳсин Мансурийнинг айтишича, ёнғинга қамоқхонанинг тикувчилик устахонасида маҳбуслар ўртасидаги жанжал сабаб бўлган. Тўполон пайтида маҳбуслар кўплаб қамоқ кийимлари тўплами бўлган устахонага ўт қўйишган.
Теҳрон прокурори Али Солиҳий қамоқхонада тартиб ўрнатилгани, воқеанинг ўзи эса мамлакатда бўлиб ўтаётган норозилик намойишлари билан боғлиқ эмаслигини айтди.
