Илон Маск Украина бўйича фикрини ўзгартирди
Аввалроқ у мамлакатдаги “Старлинк” компаниясини молиялашдан бош тортганди.
Илон Маск Твиттердаги саҳифасида ҳали ҳам Украинага молиявий ёрдам кўрсатишни давом эттиришга тайёрлиги ҳақида маълум қилди.
“Гарчи “Старлинк” ҳали ҳам пул йўқотаётган бўлса ҳам ва бошқа компаниялар миллиардлаб долларларини олаётган бўлса ҳам, биз Украина ҳукуматини молиялаштиришда давом этамиз”, — деб ёзган Маск.
Эслатиб ўтамиз, 14 октябрь куни Маск Украинадаги “Старлинк” компаниясини молиялашдан бош тортишга қарор қилгани хабар қилинганди.
Октябр ойи бошида Маск Украина ва Россия ўртасидаги “тинчлик” бўйича ўзининг формуласини таклиф қилган. У баҳсли ҳудудларда БМТ назорати остида референдумлар ўтказиш, Қримдан воз кечиш ва нейтрал мақомни таклиф қилган.
