Илон Маск Starlink’да хайрия функциясини ёқади
Аввалроқ у сунъий йўлдошнинг Украинадаги фаолияти учун беғараз ҳақ тўлашда давом этишини айтганди.
SpaceX асосчиси Илон Маск Starlink’да хайрия функциясини ишга туширишини билдирди. Бу ҳақда у Twitter’даги ўқувчисининг Угандадаги шифохоналар учун сунъий йўлдош тизимлари ажратиш ҳақидаги саволига жавобан гапириб ўтди.
“Яхши, Starlink’га хайрия имкониятини ҳам қўшамиз”, — деб ёзган миллиардер.
Олдинроқ Маск Starlink сунъий йўлдош тизимининг Украинада фаолияти учун беғараз ҳақ тўлашда давом эттиришини айтган эди.
Эслатиб ўтамиз, 14 октябрь куни Маск Украинадаги “Starlink” компаниясини молиялашдан бош тортишга қарор қилгани хабар қилинганди.
Октябрь ойи бошида Маск Украина ва Россия ўртасидаги “тинчлик” бўйича ўзининг формуласини таклиф қилган. У баҳсли ҳудудларда БМТ назорати остида референдумлар ўтказиш, Қримдан воз кечиш ва нейтрал мақомни таклиф қилган.
