БАА Боррелни кескин танқид қилди
ЕИ дипломатияси "каттаси" дунёни чангалзор, Европани боғга тенглаштиргaнди.
БАА Европа иттифоқи дипломатияси раҳбари Жозеп Боррелнинг ЕИдан ташқари оламни жунгли билан тенглаштирганини танқид қилди.
Амирлик ТИВ дипломатнинг бу сўзларини "ирқчилик ва дискриминацияга асосланган" ноўрин гап деб баҳолаб, ЕИнинг мамлакатдаги миссияси раҳбаридан изоҳ талаб қилди.
Ўтган ҳафтада Жозеп Боррель Испаниядаги Ла-Тоха форумидаги чиқишида Европани сиёсий эркинлик, иқтисодий ривожланиш ва ижтимоий тенглик гуллаётган боғга қиёслаган эди.
Унинг сўзларига кўра, "дунёнинг қолган қисмлари бу боғга ўхшамаган, катта қисми шу боғга хавф солаётган чангалзордир".
БАА Ташқи ишлар ва халқаро ҳамкорлик вазирлиги унинг бу гаплари бутун дунёда дискриминацияни кучайтиришини айтди.
