Покистон собиқ Бош вазири “дипломатик шармандалик”да айбланмоқда
Имрон Хон расмий лавозимда ишлаш ҳуқуқидан маҳрум.
Покистоннинг собиқ Бош вазири Имрон Хон давлат лавозимида ишлаш ҳуқуқидан маҳрум этилди. Бу ҳақда “SkyNews” нашри хабар қилди.
Қайд этилишича, 70 ёшли жаноб Хон қиймати 140 миллион рупий бўлган дунё етакчилари ва чет эллик таниқли шахсларнинг давлат совғаларини ноқонуний сотишда айбдор деб топилган.
Ҳукумат расмийларига кўра, совғалар орасида қироллик оиласи томонидан ҳадя қилинган қимматбаҳо қўл соатлари бўлган, улар Дубайда сотилган.
Айбловларни рад этган жаноб Хон давлат ташрифлари чоғида олинган совғаларни сотиб олиш ва сотишда ўз мансабини суиистеъмол қилмаганини айтмоқда. Суд қарорига кўра эса у фойдани яширган.
Покистон Миллий Ассамблеяси соатларнинг сотилиши “ахлоқсиз ва дипломатик шармандалик” эканлигини айтди.
