Норвегия дрон учирган россияликни ҳибсга олинди
Россия уни сайёҳ деб атамоқда.
Норвегия полицияси дрон бошқарган яна бир россияликни ҳибсга олди. Бу ҳақда BBC хабар бермоқда.
Суд унга нисбатан қамоққа олиш эҳтиёт чорасини белгилади. У муҳим объектларни суратга олганликда гумон қилинмоқда.
Эслатиб ўтамиз, мамлакатда русларга учувчисиз самолётларни бошқариш тақиқланган. Февраль ойида Норвегия ҳукумати бутун Европа билан биргаликда Россия учун ҳаво ҳудудини ёпди ва учувчисиз транспорт воситаларини бошқариш тақиқини узайтирди.
Россия Ташқи ишлар вазирлиги воқеага муносабат билдирди ва ҳибсга олинган россияликларни “сайёҳлар” деб атади.
Аввалроқ Президент Путиннинг яқин ҳамкорларидан бирининг ўғли Норвегия полицияси томонидан ҳибсга олинганди. У дронни Свалбард ороли устида учирган.
