Қирғизистон олтин рудаси экспортини тақиқлади
Бу бўйича мамлакат президенти тегишли фармон имзолади.
2023 йил 1 майдан Қирғизистон таркибида олтин бўлган руда ва концентратлар экспортини вақтинчалик тақиқлайди.
Шу билан бирга, Қирғизистон ҳудудида қазиб олинган, таркибида олтин бор руда ва концентратларни қайта ишлаш бўйича мутлақ ҳуқуқ «Қора-Балта тоғ-кон комплекси» АЖга берилган.
Мораторий олти ой муддатга жорий этилади.
Фармонга кўра, Қирғизистон ҳукуматига вақтинчалик тақиқни 2023 йил 1 ноябрдан бошлаб ҳар олти ойда бир марта узайтириш топширилган.
Қирғизистон Республикаси давлат божхона ва чегара хизматларига қарор ижроси юзасидан зарур чораларни кўриш топширилди.
Аввалроқ, Қирғизистонда кўмирни автомобилда республика ташқарисига олиб чиқиш вақтинча тақиқланганди.
