Навоийда ИИБ ходими фуқаро билан жанжаллашди
Ҳолатга вилоят прокуратураси изоҳ берди.
Ижтимоий тармоқларда Навоий вилоятининг Хатирчи туманида ички ишлар органи ходими ҳамда фуқаро ўртасида келишмовчилик юзага келган видео тарқалди. Ҳолат юзасидан вилоят прокуратураси расмий баёнот берди.
Қайд этилишича, Хатирчи тумани “Майдон” маҳалласида яшовчи фуқаро Д.Ш. томонидан туман ИИБ ходимларининг хатти-ҳаракатларидан норозилиги ҳақида туман прокуратурасига мурожаат йўлланган.
Мазкур ҳолат юзасидан прокуратура томонидан терговга қадар текшириш ҳаракатлари олиб борилаётган бўлиб, суд-тиббиёт экспертизаси тайинланган.
