Ҳеч қандай шахсий манфаатлар: фақат бизнес
АҚШ айрим йирик банкларнинг рус компанияларига хизмат кўрсатишига қаршилик қилмаяпти.
АҚШ молия вазирлиги ва Давлат департаменти норасмий тарзда айрим йирик банклардан Россиянинг йирик компаниялари билан иш олиб боришни сўраган. Bloomberg агентлиги маълумотларига кўра, улар орасида JPMorgan Citigroup каби банклар ҳам бор.
Агентликнинг қайд этишича, бу орқали Жозеф Байден маъмурияти санкцияларнинг салбий оқибатларини пасайтиришга уринмоқда. Хусусан, амалдорлар банклардан тўғридан-тўғри чекловлар остига тушмаган "Газпром", "Уралкалий" каби компанияларга базавий хизмат кўрсатишни давом эттиришни сўраган.
Санкциялар туфайли кўплаб банклар рус компаниялари билан ўта эҳтиёткор алоқада бўлмоқда. Улар ҳукумат томонидан катта жарима солинишидан қўрқяпти. Шу сабабли ҳукумат банкларга юқоридаги таклифларни берган.
