Шимолий Корея Россияга қурол етказиб бермаслигини маълум қилди
Шу билан бирга, Пхенян Россияни ҳарбий операцияда қўллаб-қувватлашини таъкидлаган.
Шимолий Корея Россияга ҳеч қачон қурол етказиб бермагани ва буни амалга ошириш режаси ҳам йўқлигини айтди. Бу ҳақда Корея марказий телеграф агентлиги маълум қилди.
“Биз Россия билан ҳеч қачон қурол-яроғ бўйича келишувларга эришмаганимизни ва келажакда бундай режаларимиз йўқлигини яна бир бор аниқ айтамиз”, — дейилади баёнотда.
Маълумки, КХДР Россияни Украинадаги кенг кўламли урушда қўллаб-қувватлайди: у ЛДХРдаги айирмачилар юридик шахслигини ва Украина ҳудудларини аннекция қилишни тан олди, шунингдек, Россия агрессиясини қораловчи резолюцияларга қарши овоз берди.
Эслатиб ўтамиз, "The New York Times" АҚШ разведкасининг махфий маълумотларига таяниб, Россия Шимолий Кореядан миллионлаб снаряд ва ракеталарни сотиб олаётгани ҳақида хабар берган эди.
