Истанбулда яна портлаш содир бўлди
Ҳодиса Аё-София ва Мовий масжиддан 5 километр узоқликдаги Хўжа Мустафо кўчасида содир бўлган.
Истанбулнинг Фотиҳ туманида портлашлар юз берди. Бир нечта автомобиль ёниб кетди, деб хабар бермоқда Mynet портали.
Ҳозирча ҳалок бўлганлар ва жароҳатланганлар ҳақида маълумот берилгани йўқ.
Баъзи маълумотларга кўра, ёнғин аввалига бир машинани қамраб олган, кейин тўхтаб турган бошқа машинага ўтган. Воқеа Истанбулнинг асосий диққатга сазовор жойлари – Аё-София ва Мовий масжиддан 5 километр узоқликдаги Хўжа Мустафо кўчасида содир бўлган.
Эслатиб ўтамиз, аввалроқ Истанбулнинг Бейоглу туманидаги Истикляль кўчасида портлаш содир бўлди. Ҳодиса оқибатида 4 киши ҳалок бўлган ва 38 киши жароҳатлангани ҳақида хабар берилганди.
