Қозоғистонда 14 та юк вагони рельсдан чиқиб кетди
Ҳодиса сабаблари маълум қилинди.
NUR.KZ хабарига кўра, бугун Қозоғистоннинг Қарағанда вилояти яқинида 14 та юк вагони рельсдан чиқиб кетди.
«17 ноябрь куни соат 06:15 да Қарағанда вилоятининг Қарағанда-Сортировочная-Акадир участкасининг Қарабас – ОП 767 йўлида 14 та вагон юк поездида рельсдан чиқиб кетди. Қурбонлар ва жароҳатланганлар йўқ», – дейилади хабарда.
Мазкур участкада йўловчи ва юк поездларининг ҳаракати вақтинча тўхтатилган.
Ҳодисага хусусий мулкдорларга тегишли вагонларнинг носозлиги сабаб бўлгани айтилмоқда.
