Навоийда солиқ идораси ходимлари қамоққа олинди
Ҳозирда уларга нисбатан жиноят иши очилган.
Ижтимоий тармоқларда Навоий вилоят солиқ бошқармаси савдо бўлими ходимлари пора билан қўлга тушгани ҳақида хабар тарқалди. Ҳолат юзасидан вилоят прокуратураси расмий муносабат билдирди.
Қайд этилишича, Навоий вилоят Давлат солиқ идораси ходимлари З.А ва Б.Шлар МЧЖга қарашли кафеда ўтказилган сайёр солиқ текшируви натижасини тадбиркор фойдасига ижобий ҳал қилиб бериш эвазига 10000 АҚШ доллари талаб қилган. Улар 18 ноябрь куни Навоий шаҳрида ҳуқуқни муҳофаза қилувчи органлар томонидан ўтказилган тезкор тадбирда кимёвий ишлов берилган 9000 АҚШ долларини жамият раҳбаридан олган вақтида ашёвий далиллар билан ушланган.
Мазкур ҳолат юзасидан З.А ва Б.Ш.ларга нисбатан Ўзбекистон Республикаси ЖКнинг 210-моддаси 2-қисми билан жиноят иши қўзғатилган.
Жиноят иши юзасидан Навоий вилоят прокуратураси томонидан олиб борилаётган тергов ҳаракатлари давомида “Қамоққа” олиш тарзидаги эҳтиёт чораси қўлланилган.
