Ўқувчиларни бепул тушлик билан таъминлаш учун қўшимча маблағ ажратилади
ХТВнинг йил бошида тасдиқланган харажатларига қўшимча 922 миллиард сўм ажратилмоқда.
Эндиликда бошланғич синф ўқувчиларини бепул тушлик билан таъминлашга қўшимча маблағ йўналтирилади.
Олий Мажлис Қонунчилик палатаси ялпи сессиясида молия вазири Тимур Ишметов «2022 йил учун Ўзбекистон Республикасининг Давлат бюджети тўғрисида»ги қонунга ўзгартишлар киритиш ҳақидаги қонун лойиҳаси билан депутатларни таништирди.
Муҳокамада бюджет тақчиллиги 3 фоиздан 4 фоизга оширилиши маълум қилинган. Хусусан, айрим биринчи даражали бюджет маблағлари тақсимловчилар кесимидаги тегишли вазирлик ва ташкилотлар рўйхати ва маблағ ҳажми ҳам очиқланган. Жумладан, ХТВнинг йил бошида тасдиқланган харажатларига қўшимча 922 миллиард сўм ажратилмоқда.
Бундан Қорақалпоғистон ва Хоразмда бошланғич синф ўқувчиларини бепул овқатлантириш учун — 106 миллиард сўм йўналтирилиши айтилмоқда.
