"Амнистия келаси ҳафта бошланади" — Илон Маск
"Twitter" раҳбари блокланган аккаунтларни қайта тиклаш ниятида.
"Twitter" эгаси Илон Маск қонунни бузмаган ва спам билан шуғулланмаган блокланган аккаунтларни қайта тиклаш ниятида. Бу ҳақда Маск ижтимоий тармоқларда маълум қилди.
"Амнистия келаси ҳафта бошланади", — деб ёзган миллиардер.
Бунгача у ушбу масала юзасидан "Twitter"да сўровнома ўтказган, унда 3 миллиондан ортиқ овоз ҳисобга олинган. Респондентларнинг 72,4% “қонунни бузмаган ёки даҳшатли спам тарқатмаган бўлса” тўхтатиб қўйилган аккаунтларни тиклашни ёқлаб овоз берган.
Эслатиб ўтамиз, аввалроқ Маск АҚШнинг собиқ президенти Дональд Трампнинг "Twitter"даги аккаунтини блокдан чиқариш бўйича сўровнома ташкил қилганди.
