Ким Чен Ин янги режалари ҳақида айтди
У “дунёдаги энг кучли ядровий армия” яратиш ниятида.
Шимолий Корея етакчиси Ким Чен Ин дунёдаги энг кучли ядровий салоҳиятга эга армияни яратиш ниятида эканини айтди. Бу ҳақда маҳаллий ОАВларига таяниб, “Reuters” хабар бермоқда.
Маълум қилинишича, Ким Чен Ин Шимолий Кореянинг энг йирик баллистик ракета учирилишида иштирок этган ўнлаб ҳарбий зобитларни лавозимга кўтарган.
Бу эълон Ким Чен Ин янги “Xvason-17” қитъалараро баллистик ракетаси (ICBM) синовларини текшириб, АҚШнинг ядровий таҳдидларига ядровий қурол билан қарши туришга ваъда берганидан кейин эълон қилинди.
“Ядро кучларини яратиш давлат ва халқнинг қадр-қиммати ва суверенитетини ишончли ҳимоя қилишга қаратилган бўлиб, “унинг пировард мақсади дунёдаги энг қудратли стратегик кучга, бу асрда мисли кўрилмаган мутлақ қудратга эга бўлишдир”, — деди КХДР раҳбари баёнотида.
У “Xvason-17”ни “дунёнинг энг кучли стратегик қуроли” деб атаб, бу Шимолий Кореянинг дунёнинг энг кучли армиясини яратишдаги қатъияти ва қобилиятини намойиш этишини айтди.
Синовда иштирок этган олимлар, муҳандислар, ҳарбийлар ва бошқаларга Ким улардан мамлакатнинг ядровий кучини жуда тез суръатларда кенгайтириш ва мустаҳкамлашда давом этишини кутаётганини айтди.
