Мода–2023: Аёллар янги йилда нима кияди?
Янги йил кириб келиши бир ой вақт бору, аммо аёллар ҳозирданоқ кейинги йил нима кийиши, қандай стилда юришини ўйлашни бошлаган.
Бу мушкулни осон қилиш учун бугун жаҳоннинг етакчи стилистларидан маслаҳатларни жамлаганмиз. Бириўла 2023 йилда нималар урфга киришини ҳам айтиб ўтамиз.
Мода даҳолари ҳар доимгидек бизга бир қанча танлов имкониятини бериб қўйган: кийим урфидан тортиб унинг рангигача. Мода мутахассислари ҳаммадан ажралиб туриш учун энг замоанвий услубларни илгари сурмоқда.
«Преппи» услуби. Бу услуб кўпроқ ёшларга мос тушади, ёши каттароқ аёлларга эса преппи услубининг алоҳида элементларини гардеробига киритиш тавсия қилинади. Преппи услуби элита коллежларга ўқишга киришга тайёрланаётган ёшлардан тарқалган. Бу иш ва смарт сасуал услубиуйғунлигидир.
Гранж услуби. Бу услубнинг ўзига хослиги унинг барча мода қонунларини инкор қилишидадир. Бундай услуб эгалари бир қарашда ўзаро уйғунлашмайдиган буюмларни ҳам уйғунлаштира оладиганлардир. Бу енгиллик, эркинлик ва бошқалардан ажралиб туришни истовчиларга мос тушади. афис кўйлаклар ва қўпол оёқ кийими, узун ва кенг футболка ва мини шу услубга мисол бўла олади.
Энди кейинги йилда урф бўладиган рангларга ўтамиз. Бу палитрадан фойдаланиб, ҳозирги услубингизни ҳам замонавийлаштиришингиз мумкин.
Қизил, пушти, кўк, бинафша, сариқ ва сабзиранг. Мода мутахассислари бу ранглар уйғунлигига нафақат ёзда, балки фасллараро даврда ҳам мурожаат қилиш мумкинлигини айтмоқда.
Жигарранг. Бу ранг аёлларга хос элегант образлар яратишда қўл келади. Айниқса кузги образларга мос тушади.
Кулранг. Бу базавий ранг одатий иш кунлари кийиш ёки ялтироқ вариантда базмлар учун образ яратишга мўлжалланган. Стилистлар кулрангдан тотал-лукларда ҳам, ёрқин акцент билан биргаликда фойдаланиб тажриба ўтказишдан ҳам қўрқмаслик кераклигини айтмоқда.
Қора. 2023 йилда ёрқин ранглар урфда бўлсада, тотал қора образларни ҳам унутмаймиз. Қора рангли либосларда тикилиш услуби билан тажриюа ўтказиш мумкин.
Ҳаворанг ва яшил. Бу ранглар мавсум маст-хеви саналади. Бу икки рангдан турли услубларда фойдаланиш мумкин.
2023 йилда урфга кирадиган янги услублар ва ранглар ҳақида маълумотга эга бўлдингиз, кейинги мақолаларимизда мода оламининг бошқа сирлари билан ҳам бўлишамиз.
Ҳозирча эса мақолани дугоналарингиз билан ҳам бўлишинг.
Шарофат Маҳмудова тайёрлади.
