“Беларус ҳар қандай тажовузни қайтаришга тайёр”
Александр Лукашенко Россия мудофаа вазири билан учрашди.
Беларус ҳар қандай ташқи тажовузни қайтаришга тайёр. Бу ҳақда Александр Лукашенко Россия мудофаа вазири Сергей Шойгу билан учрашувда айтиб ўтди.
Минскдаги ҳарбий департамент раҳбари беларуслик ҳамкасби Виктор Хренин билан ҳарбий-техник ҳамкорлик бўйича янгиланган шартномани имзолаган.
Ғарб таҳлилчиларининг айтишича, Москва Минскка босимни тўхтатмаяпти, бироқ мамлакат ичидаги вазият туфайли Беларуснинг бевосита урушга аралашиш эҳтимоли жуда кам.
Ҳар икки томоннинг хабарларига кўра, фронтдаги вазият нисбатан барқарор. Шанба куни кечқурун Россия қўшинлари Донетск вилоятидаги Краматорск саноат зонасига ракета ҳужуми уюштирди. Москванинг даъво қилишича, бу ракеталар хорижий ёлланма аскарлар жойлашган жойларга урилган.
Украина шарқидаги энг кескин ҳудуд рус қўшинлари жойлашган Бахмут бўлиб қолмоқда.
