Путин Қирғизистонга келди
Россия президенти Евроосиё иқтисодий иттифоқи (ЕОИИ) саммитида иштирок этади.
Россия президенти Владимир Путин Евроосиё иқтисодий иттифоқи (ЕОИИ) саммитида иштирок этиш мақсадида Қирғизистонга ташриф буюрди. Бу ҳақда Sputnik Қирғизистон хабар берди.
Россия президентини “Манас” аэропортида Қирғизистон Вазирлар Маҳкамаси раиси – президент администрацияси раҳбари Оқилбек Жапаров кутиб олди.
Эслатиб ўтамиз, бугун Бишкекда ЕОИИ саммити бўлиб ўтади. Унда иттифоқнинг барча давлат раҳбарлари (Россия, Қозоғистон, Беларус, Арманистон, Қирғизистон) иштирок этиши кутилмоқда.
Ўзбекистон 2020 йил декабрь ойида ЕОИИда кузатувчи давлат мақомини олган. Иттифоқ 2014 йилда Россия, Беларусь ва Қозоғистон ўртасида тузилган шартнома асосида ташкил этилган халқаро ташкилотдир. Бу иттифоққа 2015 йилда Арманистон ва Қирғизистон аъзо бўлган, Молдова ва Куба кузатувчи мақомига эга.
