Нидерландия ўз ҳудудида Украина бўйича халқаро суд тузишни таклиф қилди
Мамлакат ТИВ раҳбари ушбу ғоя билан чиққан.
Нидерландия ўз ҳудудида Украинага қарши агрессия бўйича халқаро трибунални жойлаштиришни таклиф қилди. Бу ҳақда мамлакат ташқи ишлар вазири Вопке Хукстра маълум қилган.
Вазирнинг сўзларига кўра, бу қарор кенг халқаро сиёсий ва молиявий қўллаб-қувватлашни талаб этади. Шу билан бирга у Гаага (Нидерландия)да жойлашган халқаро жиноий суд фаолиятига аралашмаслигини таъкидлаган.
Ушбу трибунални тузиш учун БМТ Хавфсизлик Кенгашининг розилиги талаб этилади. Россия эса ХКда доимий аъзо ва вето ҳуқуқига эга.
Октябрда Нидерландия парламенти аъзолари "Россия агрессиясига қарши махсус трибунал тузиш" ғоясини қўллаб-қувватлаганди. Ноябрь охирида эса Еврокомиссия БМТ шаъфелигида Украина бўйича трибунал тузишни таклиф қилган эди.
