Навоийда салкам 1 млрд кредит талон-тарож қилинди
Унда банк раҳбарининг ҳам қўли бор.
Нурота туманида кредит маблағларини талон-торож қилиш ҳолати аниқланди, дея хабар бермоқда Бош прокуратура ҳузуридаги Иқтисодий жиноятларга қарши курашиш департаменти.
Қайд этилишича, департаментнинг Нурота туман бўлими томонидан терговга қадар текширув ўтказилган. Унда “M.N.” ва “E.N.” МЧЖ раҳбари М.Ж. ҳудудий тижорат банки филиали собиқ раҳбари А.Х. ва бошқалар ўзаро тил бириктириб, ушбу МЧЖларга айланма маблағларни тўлдириш мақсадида ажратилган жами 940 млн сўм кредит маблағини ўзлаштириш йўли билан талон-торож қилгани аниқланган. Шунингдек “E.-s.” МЧЖ раҳбарининг хабардорлигисиз 150 млн сўмни “M.N.” МЧЖга кредит қарзини тўлаш мақсадида молиявий ёрдам кўринишида ўтказганликлари маълум бўлган.
Ҳозирда мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
