Twitter харажатларни кескин қисқартирмоқда
Компания қатор тўловларни бекор қилган.
Twitter харажатларни қисқартириш фонида офисларга ижара пули тўлашни тўхтатди. Бу ҳақда ўз манбаларига таяниб The New York Times хабар берди.
Унинг маълумотларига кўра, компания Илон Маск томонидан сотиб олингандан кейин тежамкорлик мақсадида Сан-Францискодаги бош офиси учун ижара тўлашни тўхтатиб қўйган. Бу тартиб бошқа давлатларда жойлашган идоралар бўлимлар учун ҳам жорий этилган.
Бундан ташқари, Маск аввалги раҳбарият даврида фойдаланилган хусусий авиаташувчиларга ҳам пул тўлашдан бош тортган. Шунингдек, ишдан бўшатилган ходимлар учун дам олиш кунлари бериладиган махсус тўлов бериш ҳам бекор қилинган.
Маск Twitter билан боғлиқ суд жараёнларидан хавотирга тушиб, компаниянинг юристлар жамоасини кучайтириш билан шуғулланмоқда.
